Мектепте де, колледжде де қатар оқы!
2023-2024 оқу жылында «Техникалық және кәсіптік, орта білімнен кейінгі білім беру ұйымдарында іске асырылатын жалпы білім беретін мектептердің 10-11 сыныптарының білім алушылары үшін жұмыс біліктілігі бойынша эксперименттік білім беру бағдарламаларын енгізу туралы» ҚР Білім министрлігінің 2022 жылғы 25 қарашадағы №478 бұйрығы негізінде эксперименттік білім беру бағдарламасы іске қосылады.
Эксперименттік бағдарлама жоғары сынып оқушыларының колледждер базасында жұмысшы біліктіліктерін бір уақытта алуға және мектеп базасында жалпы білім беретін пәндерді игеруге бағытталған. Яғни, 10-11 сынып оқушылары колледж қабырғасында оқу арқылы диплом алып шығады.
Қазіргі таңда «Автомобиль жөндеу слесарі» мамандығы бойынша 15 оқушы колледж қабырғасында білім алуда. Теориямен тәжірибені ұштастыру мақсатында колледж әлеуметтік серіктес «V6» ЖШС мекемесіне студенттерді алып барды. Бұл жерде мекеме басшысы Тян Денис мырза қызмет көрсету орталығымен таныстырып, қазіргі таңдағы заманауи техникалық қызмет түрлерін көрсетті. Мекеме басшысы дуалды оқыту бағдарламасын қолдау мақсатында қолданыста болған «Hyundai» автокөлігінің моторын колледжге сыйға тартты. Бүгінде құрылғы өндірістік-оқу орталығында сабаққа көрнекі құрал ретінде пайдаланылады. Серіктесімізге көп рақмет!
@atyrau_bilim
@atyrau_bilim_bolimi
@bilim_sapasy_baqylau
@gylym_jogarybilim
@isb_atyrau
@ishkisaiasat_atyrau
#біртұтас_тәрбие
Created: 09 Қантар 2025
3
